புத்தாண்டு
ஓர் ஆண்டு
365 நாட்கள்
ஓடி மறைந்தது
ஒன்றும் புரியவில்லை
விடிந்ததைப் பார்த்தோம்
விழுந்ததைப் பார்த்தோம்
வேள்விகள் செய்தோம்
கேள்விகள் கேட்டோம்
தோல்விகள் பெற்றோம்
வெற்றியைத் தொட்டோம்
சிரித்து எத்தனை நாள்
அழுது எத்தனை நாள்
புலம்பியது எத்தனை நாள்
கனவு கண்டது எத்தனை நாள்
கவிபுனைந்தது எத்தனை நாள்
சிறுமை பெற்றது எத்தனை நாள்
பெறுமை பெற்றது எத்தனை நாள்
கல்வி கற்றது எத்தனை நாள்
கட்டிலின்னருகில் இருந்தும்
கண்டு மறந்தோம்
கட்டில் தூக்கம் வெட்டி எரிந்தோம்
என்னக்கனவில் முழ்கி எழுந்தோம்
பிள்ளைகள் கண்டு பெருமிதம் கொண்டும்
பெற்றவள் அன்பை கொட்டி எடுத்தோம்
ஒருதுளி நேரம் ஓடி ஒளியும்
ஒவ்வொரு நாளும் கடுகாய் மறையும்
வேருள்ள செடியும் விழுதாய் மாறும்
மரமும் ஒருநாள் முதுமை அடையும்
எழுகின்ற சூரியன் விழுவது தெரியும்
வளர்கின்ற சந்திரன் தேய்வது புரியும்
சாதியை விட்டு மதங்களை விட்டு
துன்பத்தை விட்டு துரோகத்தை விட்டு
பொய்மையை விட்டு வாய்மையை தொட்டு
உண்மையும் நேர்மையும் ஒன்றாய் நின்று
உயிர்களை கொள்ளும் கயமையை கொன்று
நல்லதை செய்து மனங்கில் நின்று
ஓடிய மணித்துளி கிடைப்பதும்மில்லை
நேற்றைய நாட்கள் இன்றதுமில்லை
நாளை என்பது நம்கையில்லில்லை
பிறப்பில் தோன்றி இறப்பில் முடியும்
என்பதை மனிதா நீயும் அறிவாய்
இடைப்பட்ட நாட்களில் வாழ்ந்திட வேண்டும்
வாழ்க்கையில் மகிழ்ச்சி நிறைந்திட வேண்டும்
நேற்றையமனித்துளி முடிந்ததாய் இருக்கட்டும்
இன்றைய பொழுது நன்றாய் நடக்கட்டும்
எந்நாளும் இன்பம் எங்கும் நிலைக்கட்டும்
க.ஆண்டியப்பன்
கருத்துகள் இல்லை:
கருத்துரையிடுக