உழைத்துப்பார்

                            

                              

கிழக்கே சூரியன்

            உதிக்குமுன்னே

எழுவது எங்கள் மரபாகும்

மாலையில் கதிரவன்

           மறையும் பின்னே

உழைக்கும் தொழிலே உறவாகும்

உழைத்து  உழைத்து  

           ஓடாய்த்  தேய்ந்து

உடுத்த உடையும்  இல்லையடா

ஓடி ஓடி உழைத்துச் சேர்த்த

            பணத்தைக்  கேட்டால் தொல்லையடா 

மீனாய்  நீயும் பிறந்துவிட்டால் 

              எதிர் நீச்சல் போட்டுப்பார்

செடியாய்  நீயும் முளைப்பதென்றால் 

               பூமியை  வெடித்து  வெளியில்பார்

பூவாய் நீயும்  சிரிப்பதென்றால்

               மொட்டை விட்டு விரிந்துபார்

கனியாய்  கனிய  வேண்டுமென்றால்

               காயிலிருந்து பழுத்துப்பார்

வாழ்வில்  நீயும் உயர  நினைத்தால் 

               மனிதனே! நீயும்  உழைத்துப்பார்

                                                                                                                                                                                .....ஆண்டியப்பன் ......