வேர்கள் வெளியே தெரிவதில்லை

படித்து செழித்த
படைப்பாளி
கூறினான்
செடிக்குள்ளே
இலை இருக்கிறதாம்
இலைக்குள்ளே பூ இருக்கிறதாம்
பூவுக்குளே காய் இருக்கிறதாம்
காய்க்குள்ளே கனி இருக்கிறதாம்
வாலிபச் செடியில்
வளங்கள் அனைத்தும்
ஒருநாள் தெரியும்
ஆனால்
அத்துனை சிறப்புக்கும்
அடித்தளமிடும்
வேர்கள் வெளியே தெரிவதில்லை
அப்படிதான்
ஆசிரியர்களும்

+++ஆண்டியப்பன்+++

வெற்றி நிச்சயம்

பூமி வெடித்துத்தான்
முளைகள் வெளிவரும்
முளை வெடித்தால்தான்
இலை வெளி வரும்
இலை உதிர்ந்தால்தான்
செடி கிளைவிடும்
கிளை விரிந்தால்தான்
பூக்கள் வெளிவரும்
பூக்கள் உதிர்ந்தால்தான்
காய்கள் வெளிவரும்
காய்கள் பழுத்தால்தான்
விதைகள் வெளிப்படும்
மனிதனே!
நீ விழுந்தால்தான்
எழும் எண்ணம்
வெளிப்படும்.
தோல்வி கிடைத்தால்தான்
வெற்றி
உன்வசப்படும்
தோல்வியை நோக்கி
பயணம் செய்
\வெற்றி நிச்சயம்

+++ ஆண்டியப்பன்++++

உற்றுப்பார் உண்மை தெரியும்

கால்கள் இல்லை என்று
கவலை கொள்ளாதே.

கண்களும் இல்லாமல் வாழ்கிறார்கள்.

நடந்துபார்
வழுக்கள் நிலமும் வழிவிடும்

தட்டிப்பார்
கதவுகள் திறக்கும்.

கேட்டுப்பார்
கேட்டது கிடைக்கும்.

விழித்துப்பார்
இந்த உலகம் தெரியும்.

உற்றுப் பார் உண்மை தெரியும்

மனிதனே
உழைத்துப் பார்
வெற்றியின் ரகசியம் தெரியும்

ஆண்டியப்பன். க